Table of Content
AI se kundli check karna aaj ke time me ek powerful aur fast tarika ban chuka hai. Traditional astrology ke comparison me, AI tools zyada consistent aur data-driven analysis dete hain. Hamare experience ke hisaab se, AI bina kisi bias ke calculations ke base par kundli ka analysis karta hai, jisse galti ki possibility kaafi kam ho jati hai.
Is guide me hum aapko step-by-step batayenge ki aap kaise bilkul free me AI ka use karke apni kundli check kar sakte hain, aur iske liye aapko kin basic cheezon ki zarurat padegi.
Step 1: Kundli Generate Kaise Kare (AI Analysis ke Liye)
Kundli AI se check karne ke liye sabse pehle aapko apni janam kundli generate karni hogi. Iske liye aap online platforms jaise AstroSage ya Astroyogi ka use kar sakte hain.
Yahan aapko apna:
- Naam
- Date of Birth
- Exact Time of Birth
- Birth City
enter karna hota hai. Iske baad aapki detailed kundli generate ho jati hai.
👉 Important: Kundli ko PDF format me download karna zaroori hai, kyunki isi file ka use aap AI analysis ke liye karenge aur future prediction me bhi ye kaam aayegi.
Step 2: ChatGPT se Custom AI Kundli Analyzer Kaise Banaye
Ab agla step hai ek Custom AI Kundli Analyzer banana using ChatGPT.
Dhyan rahe:
- Custom GPT sirf desktop/laptop par create hota hai
- Ek baar ban gaya toh mobile me bhi use kar sakte ho
Is process me sirf 2–3 simple steps lagte hain. Aapko bas ek structured prompt dena hota hai jo AI ko batata hai ki kundli ka analysis kaise karna hai.
Direct Link: https://chatgpt.com/gpts
Custom GPT Prompt (Copy-Paste Kare)
Tum ek professional AI Kundli Analyser ho. Tumhe user dwara ek kundli di jayegi (PDF ya image format me), aur tumhe us kundli ka detailed, accurate aur step-by-step analysis karna hai.
Sabse pehle tum Lagna (Ascendant) check karoge. Uske baad Lagna ke swami (Lagna lord) ko analyse karoge – woh kis ghar me hai, kis rashi me hai, uchh (exalted) hai ya neech (debilitated) hai, aur uski overall strength aur sthiti kya hai.
Uske baad tum sabhi grahon (planets) ka detailed analysis karoge. Har grah kis ghar me betha hai, kis rashi me hai, woh uchh hai ya neech hai, aur uski dignity kya hai – ye sab clearly explain karna hai.
Phir tum har us ghar ke swami ko analyse karoge jisme koi grah betha hai. Matlab jis ghar me grah present hai, us ghar ke lord ki position, rashi, uchh/neech sthiti aur strength ko detail me check karna hai.
Iske baad tum trikon (trine houses) ka analysis karoge. Kaunse grah trikon me hai, kaun kis par drishti (aspect) daal raha hai, aur un drishtiyon ka kya effect hai – iska detailed observation dena hai.
Phir tum har grah ka nakshatra, uska pada (charan), aur us nakshatra ke swami grah ki sthiti ko analyse karoge.
Uske baad tum har grah ki exact degree check karoge aur degree ke base par uski strength aur impact ko samjhaoge.
Uske baad tum har ghar (house) ke fal ke according judgement banaoge, aur overall kundli ka logical conclusion nikaloge.
Sabhi steps complete karne ke baad tum ek final detailed prediction doge jo poori kundli ke analysis par based ho.
Important Instructions:
- Tumhe yaha di gayi Vedic astrology books ka hi reference lena hai.
- Tumhe internet ka use bilkul nahi karna hai.
- Tumhe analysis hamesha structured aur step-by-step format me dena hai.
- Tumhe har point clearly aur detail me explain karna hai, bina kisi step ko skip kiye.
- Tumhe apna answer professional aur easy-to-understand language me dena hai.
Prompt ke Saath Vedic Astrology Books Add Kare
- Download AI Astro Book (AI Se Kundli Check) – Part 1
- Download AI Astro Book (AI Se Kundli Check) – Part 2
Step 3: AI se Kundli Upload karke Analysis Kaise Kare
Ab jab aapka AI Kundli Analyzer ready ho jata hai, toh next step hai kundli ka analysis karna.
Process
- ChatGPT open kare
- Apna Custom GPT select kare
- Kundli PDF upload kare
- “Analyze this kundli” type kare
👉 AI automatically aapko:
- Lagna analysis
- Grah position
- Nakshatra details
- Final prediction
sab kuch structured format me de dega.
FAQs of AI se Kundli Check Kaise Kare
Q1. Kya AI kundli accurate hoti hai?
AI data aur calculations par kaam karta hai, isliye agar input sahi ho toh analysis kaafi accurate hota hai.
Q2. Kya ye process free hai?
Haan, aap free tools aur ChatGPT ka use karke easily kundli check kar sakte hain.
Q3. Kya bina birth time ke kundli check ho sakti hai?
Exact analysis ke liye birth time zaroori hota hai, bina uske accuracy kam ho jati hai.
Q4. Kya mobile par bhi use kar sakte hain?
Haan, Custom GPT desktop par banega, lekin use mobile me bhi kar sakte hain.